شکاری کا بلاگ

مچھر کا الٹی میٹم

بشکریہ ہفت روزہ بچوں کا اسلام

بلدیہ والوں سے اب کیا بحث میں سر ماریے
بلدیہ والے یہ کہتے ہیں کہ مچھر ماریے

کہتا پھرتا ہے یہ مچھر ، مار کر تم دیکھ لو
میرا طوفان دم بہ دم، دریا بہ دریا، جو بہ جو

دیکھ اے ناداں، یوں نہ مجھ پر ڈی ڈی ٹی چھڑک
تیرا یہ غازہ میرے چہرے کو دے دے گا چمک

تیرا ٹائی فون مجھ کو ختم کرسکتا نہیں
میں تو اک فنکار ہوں فنکار مر سکتا نہیں

مجھ سے کیوں ڈرتا ہے میرے ہاتھ میں خنجر نہیں
قاتلِ انساں تو خود انسان ہے ، مچھر نہیں

سیٹھ جی تیرا لہو چوسیں تو خوش ہوتا ہے تُو
میں بھی چکھ لیتا ہوں تھوڑا سا، کیوں روتا ہے تُو

(محمد مشہود خالد فیصل آباد)